ტრენინგის შეჯამება

     ტრენინგი ინტელის სასწავლო კურსი  ჩემთვის ძალიან მნიშვნელოვანი იყო, რაც დამეხმარება იმაში, რომ ჩემი გაკვეთილები უფრო საინტერესო იყოს. ამ ტრენინგის შემდეგ შევძლებ შევქმნა და ვაწარმოო ჩემი პორტფოლიო, რომელშიც ნათლად გამოჩნდება ყველაფერი, რასაც ვაკეთებ.  ამ ტრენინგზე მიღებული ცოდნას გამოვიყენებ  სკოლაში.

     ინტელის სასწავლო კურსის შესწავლის შემდეგ ვფიქრობ უფრო სრულყოფილ და მრავალფეროვან  პროექტებს  განვახორციელებ მომავალში.

     პროექტებით სწავლება ეხმარება არა მარტო მასწავლებლებს, არამედ მოსწავლეებსაც. მათ უვითარებს  21-ე საუკუნის უნარ-ჩვევებს , უზრდის მოტივაციას  და ასევე უვითარებს  დამოუკიდებელ, ანალიტიკურ აზროვნებას.

     მინდა  დიდი მადლობა გადავუხადო ჩვენს საყვარელ, ძალიან ნიჭიერ  და ენერგიულ ტრენერს ქ-ნ ქეთი ცერაძეს.

მეცხრე დღე

ტრენინგის მე-9 დღე დავიწყეთ წინა დღის მასალის გამეორებით. ვისწავლეთ link list-ით განრიგის გადატანა. გავიმეორეთ ნასწავლი გაჯეტები.შემდეგ ვისწავლეთ მოსწავლის ბლოგში  გვერდების ჩასმა.შევისწავლეთ ჩანაწერში მისამართის მიბმა.ტრენინგის დასასრულს მოვისმინეთ ერთმანეთის პროექტების  პრეზენტაციები.

ტრენინგის მერვე დღე

ტრენინგის მე-8 დღე დავიწყეთ ნასწავლი მასალის გამეორებით.შემდგომ შევქმენით რესურსი ფასილიტაციისთვის.გადავხედეთ ჩვენს პორტფოლიოს, ზოგიერთ შემთხვევაში შევცვალეთ საქაღალდის დასახელება.პროექტის პორტფოლიო გადავიტანეთ ჩვენს ბლოგზე.ვისწავლეთ სიის გაჯეტის შექმნა, რომელსაც გამოვიყენებ ჩემს პორტფოლიოში მასალების ასატვირთად.

ტრენინგის მეშვიდე დღე

როგორც ყოველთვის დღევანდელი დღეც გამეორებით დაიწყო, ქალბატონმა ქეთიმ კარგად აგვიხსნა და დაგვანახა თუ როგორ უნდა გავითვალისწინოთ მოსწავლეთა საჭიროებები და როგორ უნდა შევუსაბამოთ ასეთ მოსწავლეებს დავალება. შემდეგ ჩვენს პროექტში შევიტანეთ კითხვები რომლებიც ასეთ მოსწავლეებზე გათვალისწინებით შევადგინეთ. ვისწავლეთ HTML-ის გაჯეტის ჩასმა, ვიმუშავეთ პროექტის გეგმაზე. დღის ბოლოს კი დავზეპეთ და გადავგზავნეთ ჩვენს საქაღალდეში.
 

ტრენინგის მეექვსე დღე

გავიმეორეთ განვლილი მასალა.

ვისწავლეთ თუ  როგორ უნდა წარმოადგინონ მოსწავლეებმა თავიანთი ნაშრომები, ტექნიკური მხარე და რა არის საჭირო იმისათვის, რომ სწორად წარმართონ პრეზენტაციის მიმდინარეობა, ყველა ეტაპი უნდა დაიწეროს, ეს საშუალებას მისცემს მოსწავლეებს უფრო ეფექტიანად წარმარტონ პროექტზე მუშაობა. გადავხედეთ გეგმებს პრეზენტაციების შესახებ.

 განვიხილეთ შეფასებები. შეფასებების რუბრიკების განხილვა საშუალებას მოგვცემს კარგად განვსაზღვროთ თუ რა კრიტერიუმებით  უნდა შეფასდეს მოსწავლის ნაშრომები მუშაობის პროცესი და საბოლოოდ.

.გავიმეორეთ ბლოგზე მუშაობის ზოგიერთი დეტალი. 

ტრენინგის დღემ საკმაოდ საინტერესოდ ჩაიარა.

ტრენინგის მეხუთე დღე

      ტრენინგის მეხუთე დღე როგორც ყოველთვის გამეორებით დავიწყეთ.ტრენერმა კიდევ ერთხელ დაწვრილებით აგვიხსნა გუშინდელი მასალა, შემდეგ გვასწავლა თუ რამდენად მნიშვნელოვანია პროექტში საავტორო უფლებები და როგორ უნდა შევავსოთ  გამოყენებული ლიტერატურის შაბლონი, გავაკეთეთ კომენტარები ბლოგზე, ვიმუშავეთ ბლოგებზე, ვისწავლეთ თუ როგორ წავშალოთ და აღვადგინოთ ბლოგი, გავაკეთეთ გაჯეტები და დავამზადეთ მოსწავლის ბლოგის ნიმუში http://teacher055.blogspot.com/ . სამუშაო დღე იყო შრომატევადი და ნაყოფიერი.

ტრენინგის მესამე დღე

ტრენინგის მესამე დღეც არანაკლებ საინტერესო იყო, თავდაპირველად გავიმეორეთ უკვე ნასწავლი მასალა და დავიწყეთ პროექტის გეგმაზე მუშაობა, ვისწავლეთ თუ როგორ ხდება სტანდარტის დადგენა და როგორ უნდა განვსაზღვროთ პროექტის მიზანი. ვისწავლეთ როგორ შევუსაბამოთ მიზანი და სტანდარტი ერთმანეთს. ასევე გავარჩიეთ მიმართულების მიმცემი კითხვები, გავეცანით 21-ე საუკუნის უნარ-ჩვევებს, შესაბამის ტერმინოლოგიას და გავაანალიზეთ თითოეული მათგანი.
   ყოველი დღე სულ უფრო საინტერესო და მნიშვნელოვანია.